Real Madrid rikthehet të bëhet “galaktik”. Në merkaton e ardhshme verore klubi mbretëror janë të gatshëm të bëjnë “çmendurira” për dy lojtarët e Ligue 1, Kilian Mbape të PSG-së dhe Eduardo Kamavinga të ekipit të Ren.
Pëlqimi për Mbapen nuk ka munguar duke qenë pranë tij edhe në sesionin e fundit të merkatos po pa e finalizuar deri në fund. Ndërsa talenti 17-vjeçar i Ren, Kamavinga ka mahnitur me paraqitjet e tij pothuaj të gjitha skuadrat më të mëdha europiane të cilët janë vënë në lëvizje për t’a bërë për vete mesfushorin nga Angola.
Pas paraqitjeve jo në nivelin e saj, Real Madrid është e gatshme të rikthehet në majë me blerjen e dy lojtarëve më të kërkuar të momentit.
