Nejmar është një nga emrat më të nxehtë të kësaj merkato, i cili dëshiron largimin nga PSG.
Braziliani dëshiron transferimin tek Barcelona, por problemi qëndron tek PSG, të cilët kërkojnë një shumë të madhe për lojtarin e tyre.
Sipas asaj që shkruan “SportMediaset”, parizienët kanë refuzuar ofertën e parë nga katalanasit, në të cilën përfshihej kartoni i Kutinjos dhe Dembelesë plus 40 milionë euro.
Kampionët e Francës janë të prere, se nëse spanjollët duan Nejmarin, atëherë duhet të paguajnë shumën të cilën e blenë 2 vite më parë, pra 222 milionë euro.
Kujtojmë se vetëm pak ditë më parë Barcelona pagoi 120 milionë euro për të marrë shërbimet e Grizman, dhe e ka të vështirë të paguajë përsëri një shumë të madhe për një lojtar tjetër.
Gjithsesi marrëveshja pritet të ndodhë shumë shpejt, pasi sulmuesi brazilian nuk dëshiron të qëndrojë në “Parc de Prince”.