Kur kanë ngelur edhe detajet e fundit të marrëveshjes, mesfushori italian Nikolo Barela mund të quhet futbollisti i ri i Interit. 22-vjeçari nga Sardenja, pritet të behet blerja më e shtrenjtë në historinë e klubit zikaltër, duke barazuar sulmuesin Bobo Vieri.
Drejtuesit zikaltër pritet të derdhin në arkat e Kaljarit plot 45 milionë euro, për shërbimet e futbollistit. Interi ka propozuar huazimin për 10 milionë euro dhe blerjen e detyruar pas 1 viti.
45 milionë euro është shifra më e lartë që klubi zikaltër ka paguar për një futbollist, pikërisht për Bobo Vierin në verën e vitit 1999, nga Lazio. Në podium qëndrojnë Zhoao Mario dhe Hernan Krespo. Për portugezin janë shpenzuar 40 milionë euro tre vite më parë, ndërsa për argjentinasin 36 milionë euro në vitin 2002.
