Jasir Asani foli pas ndeshjes me Karabakun për mikrofonin e “RTSH”, ku u shpreh tepër i lumtur me rezultatin. Futbollisti i Partizanit beson te kualifikimi në ndeshjen e kthimit. Sipas Asanit në fushën e lojës nuk u vunë re diferenca mes skuadrave.
“Ishte një ndeshje shumë e vështirë. Dhamë maksimumin dhe ia dolëm. Barazimi është sukses i madh. Nuk ka pasur diference mes skuadrave. Ndeshjen e kthimit do ia dalim atje patjetër.
Fusha ndikoi, shiu që ra. Ata kanë sulmues shumë të mirë në krah. Jemi të gjithë të kënaqur me barazimin. Shpresojmë të fitojmë në ndeshjen e kthimit.
Duhet të kemi më shumë përgjegjësi ne sulmuesit. Kemi pasur raste. Të kishte shinuar Çinari ose unë, ndeshja do ishte më ndryshe. Nuk kishim fat. Shpresoj ta kemi në ndeshjen e kthimit”, u shpreh Asani.
