Interi është në negociata për të sjellë në “San Siro” mesfushorin e Barcelonës, Arturo Vidalin.
Lajmi është konfirmuar nga “Tuttosport”, që e lidh kilianin me një largim nga klubi katalunas edhe pse ka pasur një sezon të mirë.
Besohet se trajneri i ri i Interit, Antonio Conte, vazhdon të mbetet një admirues i madh i Vidalit, me të cilin ka punuar për një kohë të gjatë tek Juventusi.
Për të arritur te Vidal, klubi zikaltër po punon edhe me largimet që do t’i siguronin fondet e nevojshme për të arritur nënshkrimin me kilianin.
Borja Valero, Joao Mario dhe Radja Nainggolan, pritet që të largohen, që të krijohen kushtet për ardhjen e Vidalit.
