Fredi Guarin, ish-mesfushori kolumbian i Interit është gati të rikthehet në Itali. Ai pritet të veshë sërish ngjyrat zikaltër, këtë herë jo të Interit, por të Atalantës.
Siç raporton “Sport Mediaset”, 33-vjeçari ka ndërprerë bashkëpunimin me skuadrën kineze të Shangai Shenhua dhe Atalanta ka nisur të mendojë për një transferim të mundshëm.
Kujtojmë që mesfushori kolumbian ka qenë pjesë e skuadrave si Porto dhe Interi, ku ka pasur një karrierë të mirë në Europë. Prej tre vitesh ai është në Kinë dhe tashmë ndjen nevojën të bashkohet sërish në futbollin europian.
Atalanta po e vëzhgon me imtësi këtë rast dhe kërkon që t’i bëjë tre lojtarët kolumbian në ekip, duke bashkuar Guarin-Zapata-Muriel.
