Mbrojtësi Kostas Manolas i është bashkuar Napolit së fundmi pas aventurës 5 vjeçare te kryeqytetasit e Romës. 28-vjeçari do të formojë dyshen e mbrojtes së bashkë me Kulibalin, duke shpresuar te një tjetër sezon i suksesshëm në Serinë A.
Siç e kërkon tradita, çdo “mysafir” i ri në skuadër, duhet të çohet në këmbë para shokëve të skuadrës, teksa duhet të këndojë një këngë. Këtij rituali nuk i ka shpëtuar as futbollisti grek, teksa zgjodhi të këndonte këngën italiane “Caruso” të këngëtarit Luçio Dalla.
Ky moment nuk i ka shpëtuar futbollistit të Kombëtares, Elseid Hysaj, i cili zgjodhi të postonte në rrjetin social “Instagram” përformancën e Manolas, duke e shoqëruar me disa “emoji” të qeshurash, si dhe një mikrofon.
