Valdet Rama është i zhgënjyer nga gjykimi në ndeshjen e parë që Kukësi zhvilloi në Hungari, ndaj Debrecenit, ku verilindorët u mundën me shifrat 3-0.
Rama shprehet se nënkampionëve u duhej dhënë një penallti nga arbitri, ndërkohë ka besim tek përmbysja në “Elbasan Arena”.
“Bëmë një pjesë të parë shumë të mirë, ndërsa në të dytën ndodhi ajo që ndodhi. Duhet të mësojmë nga episodet e pjesës së dytë. Sipas meje, duhej të ishte dhënë edhe një penallti në favorin tonë, por arbitri nuk e dha. Një gol do ishte shumë me rëndësi për ne atje. Tani, loja fillon sërish 0-0 dhe do shohim çfarë do ndodhë. Duhet të kem, dhe kam besim që të hyjmë me energji pozitive, për të treguar që mund t’ia dalim” – u shpreh Rama.
