Stuttgard ka arritur një marrëveshje me Bayern Munchen që këta të fundit të mund të transferojnë talentet e tyre, Leon Dajaku.
Futbollisti shqiptar që aktualisht luan te Stuttgarti nuk dëshiron që të humbë shansin e artë për të veshur fanellën e Bajernit.
Sipas gazetës gjermane ‘Kicker’, Dajaku thuhet se është pajtuar me kushtet personale të kontratës e cila do të firmoset së shpejti.
Dajaku shihet si njëri ndër talentet më premtues në futbollin gjerman, prandaj bavarezët kanë filluar kontaktet e para me përfaqësuesit e tij.
Derisa të arrijë nivelin e lartë, Dajaku mund të aktivizohet me ekipin e dytë të Bayernit, i cili luan në ligën e tretë gjermane.
