Wimbledon na ka dhuruar një prej finaleve më interesante në historinë e tenisit.
Dy tenistët më të mirë në botë, Roger Federer dhe Novak Djokovic, kanë zhvilluar një duel fantastik që zgjati 5 orë e 2 minuta.
Zvicerani pavarësisht moshës mbi supe arriti që me raste të dukej superior ndaj serbit Djokovic, që nuk dorëzohej në asnjë moment.
Federer humbi mundësinë e artë që të bënte trofeun për vete, duke u thyer nga Djokovic, i cili në fund me anë të ‘Tie Break’, arriti të fitonte finalen maratonike.
Por, disa statistika tregojnë se Federer ishte “ylli” i pafat i mbrëmjes:
Pikët totale të fituara ( 218 – 204) – Federer
Përqindja e pikëve në shërbimet e para (79 – 74) – Federer
Përqindja e pikëve në shërbimet e dyta (51 – 47) – Federer
Shërbime të thyera ( 7/13 – 3/8) – Federer
Më shumë goditje fituese (94 – 54) – Federer
Sipas statistikave të lart përmendura, shihet se fati ndoshta nuk ishte në anën e Federer. Historia mund ta mbaj mend vetëm fituesin, por ylli i ditës së djeshme madje që mori edhe duartrokitjet e mëdha të publikut ishte Roger Federer.
