Armando Broja është padyshim një nga sulmuesit më të mirë që ka Shqipëria sa i përket ekipeve të moshave, duke e treguar veten në ndeshjet miqësore që Shqipëria U19 dhe ajo U21 kishin pak javë më parë.
Sulmuesi shtatlartë, po kalon një moment fantastik edhe në Angli, duke shënaur rregullisht me ekipin e të rinjve të Çelsit, herë me U18 apo U19 e herë me U23. Broja ka qenë protagonist edhe në ndeshjen e sotme që skuadra e Çelsit U18 fitoi ndaj Lidsit me rezultatin e pastër 4-0.
Sulmuesi shqiptar arriti të shënonte një tregolësh duke konfirmuar edhe një herë formën e mirë që po kalon. Sakaq, Broja është stërvitur disa herë me ekipin e parë të Çelsit dhe tashmë pritet të shihet si do të jetë forma e tij në kampionat.
