Keita Balde u transferua nga Monako tek Interi një sezon më parë në formën e huazimit me të drejtën e blerjes, me zikaltërit që nuk vendosën ta marrin përfundimisht kartonin e senegalezit.
Sulmuesi tani është kthyer tek Monako përsëri, ku nuk pritet të qëndrojë edhe për shumë gjatë aty. Sipas asaj që shkruan “La Gazzetta dello Sport”, 24-vjeçari ka tërhequr vëmendjen e drejtuesve të Milanit, të cilët mund të tentojnë transferimin e lojtarin në “San Siro”.
Keita duket si alternativa më e mire, në rast se dështon pista Angel Korrea, e cila ditët e fundit ka filluar të vështirësohet. Kuqezinjtë kishin menduar që më shitjen e Andre Silvës tek Monako, do të mblidhnin fondet e duhura për argjentinasin, por transferimi i portugezit dështoi, dhe tani mund të hasin probleme për Korrean.
Prandaj drejtuesit kuqezi kanë hedhur sytë nga sulmuesi senegalez, si alternativë e sulmuesit të Atletikos, i cili sezonin e fundit luajti i huazuar tek rivalët e Interit. Në 29 ndeshje me ziklatërit ai shënoi 5 gola, githashtu ka edhe një përvojë të madhe në Serinë A, pasi më parë ka luajtur edhe tek Lacio.
