Florijana Ismaili u mbyt në liqenin e Comos, teksa kishte shkuar për pushime pasditen e së shtunës me shoqen e saj.
Mediat në Zvicër dhe Itali kanë filluar të raportojnë rreth shkaktarëve që mund të kenë çuar në vdekjen e Florijana Ismailit në liqenin e Comos.
Sipas mediave ndërkombëtare, 24-vjeçarja mund të ketë pësuar sulm kardiak në momentin e kërcimit në ujë, për shkak të ndryshimit të temperaturave.
Trupi i pajetë i saj u gjet dje në thellësi të liqenit pas dy ditëve kërkim.
Temperaturat në atë kohë shënonin rreth 33 gradë celcius dhe ndryshim i madh i temperaturës mund të ketë çuar deri te ataku kardiak.
Megjithatë, nuk ka ende asgjë zyrtare dhe këto mbeten vetëm hipoteza. Bota e futbollit është tronditur nga vdekja e futbollistes së Young Boys dhe përfaqësueses së Zvicrës.
