Kevin Princ-Boateng ka vendosur të largohet nga Sasuolo, dhe do të transferohet tek një tjetër skuadër italiane.
Sulmuesi ganez do të transferohet tek Fiorentina, dhe në arkat e Sasuolos do të shkojnë 1 milionë euro.
Këtë lëvizje e ka pranuar edhe vetë lojtari teksa në një intervistë është shprehur: “Jam shumë i lumtur, do të shohim se çfarë do të ndodhë nesër. Unë mendoj se është një projekt i mirë dhe mezi po pres të luaj për skuadrën e re. Dua të falenderoj Sasuolon, pasi ata më bënë të ndihem si në shtëpi. Nuk ishte një vendim i lehtë, gjithashtu ishte e vështirë t’iu thuash lamtumirë të gjithëve këtu, por ky është futbolli. Nuk mund të pres deri nesër. Forca Fiorentina!”, u shpreh 32-vjeçari.
Kujtojmë se Boateng u transferua tek Sasuolo vetëm një vit më parë, por aty luajti vetëm gjysmën e parë të sezonit, pasi u huazua tek Barcelona, për gjysmën e dytë të sezonit, ku zhvilloi vetëm 4 ndeshje.