Liverpuli arriti të fitonte Ligën e Kampionëve këtë sezon duke mundur në finale Totenhemin. Mesa duket, futbollistët e Liverpulit nuk janë të vetmit që janë gëzuar nga ky triumf, duke qenë se edhe Rahim Sterling është lumturuar nga ky triumf.
Ish-sulmuesi i Liverpulit që tashmë mbron fanellën e Mançester Sitit, u shpreh se ishte gëzuar për fitoren e Liverpulit duke qenë se aty ka shumë shokë. Ai pranoi se objektiv për skuadrën e tij është Premier Liga dhe jo Liga e Kampionëve, e cila duket se është në plan të dytë.
“Isha shumë i lumtur për Liverpulin, shumë i lumtur për futbollistët të cilët i kam shokë dhe arritën të fitonin Ligën e Kampionëve. Championsi është objektiv për ne si ekip, por primare dhe më e rëndësishme është Premier Liga që mbetet edhe objektivi ynë i këtij sezoni. Natyrisht do të ishte bukur nëse do ta fitonim por fillimisht duhet të fitojmë në kampionat”, u shpreh Sterling.
