Dëmtimet vazhdojnë të jenë një problem serioz për Realin e Madridit. Problemet fizike ishin një nga arsyet kryesore të dështimit një vit më parë, por duket se asgjë nuk ka ndryshuar.
Në këtë fazë përgatitore ka pasur sërish lojtarë të dëmtuar dhe i fundit që i bashkohet infermierisë është sulmuesi serb Luka Joviç. Ai e kishte nisur si titullar derbin kundër Atletikos, por iu desh të linte fushën e lojës në pjesën e parë për shkak të shqetësimeve muskulore.
Nuk dihet ende se sa gjatë do të mungojë, por situata është shqetësuese. Gjatë kësaj kohe në fazën përgatitore në Kanada janë dëmtuar Brahim Diaz, Marko Asensio, Ferlo Mendi dhe Luka Joviç. Nuk dihet nëse arsyeja e këtyre dëmtimeve është ngarkesa e madhe fizike e stërvitjeve me përgatitësin e ri atletik Gregori Dypo.
