Mario Mandzukiç sezonin e ri, me shumë mundësi do të jetë një lojtar i Mançester Junajtid.
Sipas asaj që shkruan “La Gazzetta dello Sport”, sulmuesi kroat ka rënë dakord për kushtet personale, me “Djajtë e Kuq”, pa u përfshirë në marrëveshjen Dibala-Lukaku.
Sulmuesi do të nënshkruajë një kontratë 2-vjeçare, me mundësi rinovimi edhe për një sezon tjetër, dhe do të fitojë 6 milionë euro në sezon. Transferimi i Mandzukiç në “Old Trafford”, do t’i kushtojë Junajtid 15 milionë euro, dhe nga sezoni i ardhshëm, pritet të jetë nën urdhrat e teknikut Solskjaer.
33-vjeçari u transferua tek Juventusi në 2015 për 25 milionë euro, dhe pas katër vitesh, duket se aventurës me bardhezinjtë i ka ardhur fundi.
