Pas një pjese të parë jo edhe aq të mirë, Barcelona ka reaguar në 45′ e dyta përballë Arsenalit në trofeun “Gamper” që zhvillohet çdo vit në “Camp Nou”. Skuadra e drejtuar nga Valverde e nisi keq dhe Aubameyang ndëshkoi mbrojtjen e pavëmendshme, por në pjesën e dytë muzika ndryshoi.
Megjithatë, barazimi erdhi pas një autogoli qesharak nga mbrojtësi i Arsenalit, Maitland-Niles, që në tentativë për ta pasur te portieri që kishte dalë e dërgoi në rrjetë.
Sakaq, karta e fundit e trajnerit katalanas ishte Suarez, që rikthehej në fushë pas pushimeve, në daljen e parë zyrtare.
Dy raste të pastra, një penallti e dyshimtë e paakorduar dhe në fund supergoli, me regji të Sergi Robertos (asist perfekt).
