Tottenhami pritet të paguajë 52 milionë paundë për të arritur te Giovani Lo Celso. Sipas medieve angleze, “Spursat” kanë arritur një marrëveshje paraprake me Real Betisin për të paguar shifrën e sipërpërmendur, por duke i shtuar edhe 8 milionë paundë të tjera, të cilat do të jepen në formë bonusesh.
Anglezët ndjekin prej kohësh argjentinasin, i cili u transferua në Spanjë verën e kaluar në formë huazimi nga PSG, ndërkohë që Betisi realizoi blerjen e kartonit të tij me përfundimin e sezonit. Në rast transferimi, Lo Celso do të ishte mesfushori i dytë që do të bashkohej me Tottenhamin këtë verë, pas Tanguy Ndombele, i cili u ble nga Lyon.
