Real Madridi i Zinedine Zidane është i detyruar të shqyrtojë disa opsione të tjera për formacionin e ndeshjes së parë këtë sezon në La Liga, kundër Celta Vigos.
Eden Hazard ka pësuar një lëndim në këmbë vetëm një ditë para se ta bënte debutimin e tij me Real Madridin dhe në këtë mënyrë belgu nuk është grumbulluar me skuadrën.
Sipas asaj që tani raporton “AS”, Hazard do të mungojë tre deri në katër javë.
Përveç ndeshjes së nesërme kundër Celta Vigos, Hazard do t’i humbasë edhe sfidat kundër Valladollid e Villarreal.
Eden ka mundësi që të mos rikuperohet as në shtator dhe pritet të mos ftohet nga Belgjika për ndeshjet me San Marinon dhe Skocinë.
“AS” raporton se Hazard mund të jetë gati për të luajtur me 14 shtator, kur Reali të presë Levanten në “Santiago Bernabeu”.
