PSG-ja është në kërkim të një lojtari për të zëvendësuar Nejmarin, i cili më shumë mundësi do të largohet këtë merkato.
Sipas asaj që shkruan “L’Equipe”, presidenti Al Khelaifi pëlqen shumë lojtarin e Barcelonës, Osman Dembele, dhe e dëshiron atë në “Parc de Prince”. Sulmuesi francez do të ishte zëvendësuesi ideal i Nejmarit, dhe do t’i hapte rrugën kalimit të brazilianit në “Kam Nou”.
Thuhet se drejtori sportiv Leonardo, nisi menjëherë kontaktet me lojtarin, për t’i shprehur atij interesimin për ta marrë në skuadrën e tyre. Sidoqoftë sipas të njëjtit burim Dembele ka refuzuar, teksa ka thënë se është mirënjohës për interesimin që kanë shfaqur, por dëshiron të qëndrojë në Spanjë.