Oriol Buskets është larguar nga Barcelona, teksa do të luaj për një vit i huazuar te holandezët e Tuentes.
20-vjeçari ka bërë 2 paraqitje me ekipin e parë të katalanasve, nën drejtimin e Valverdes, dhe pjesën tjetër të sezonit është aktivizuar me ekipin e dytë.
Buskets ka kaluar në moshat zinxhir të Barcelonës, dhe tani do të luajë për një vit i huazuar te Tuente në Holandë, në mënyrë që të marrë më shumë eksperiencë dhe më pas të do të rikthehet në Spanjë, me shpresën se do të luajë për ekipin e parë. Interes për spanjollin kishte shfaqur edhe Udineze, por lojtari zgjodhi kampionatin holandez pasi beson se aty mund të rritet më shumë si futbollist.
Në marrëveshjen për kalimin e lojtarit te Tuente nuk përfshihet as një mundësi për ta blerë atë, pasi drejtuesit katalanas besojnë shumë te aftësitë e lojtarit dhe shpresojnë se ai do të rritet shumë në të ardhmen.
