Mesfushori i Romës, Ante Coric është larguar zyrtarisht nga “Giallorossi” duke zgjedhur të vijojë karrierën në Spanjë.
Tashmë 22-vjeçari ka kaluar te skuadra e Almerias, e cila militon në kategorinë e dytë spanjolle dhe këtë vit kanë si objektiv ngjitjen në elitën e futbollit spanjoll.
Ante Coric ka kryer lëvizjen drejt Almerias në formë huazimi me të drejtë blerjen e kartonit në fund të sezonit, ndërsa momentalisht 60% të pagës së mesfushorit do ta paguajnë italianët.
“Il Tempo” raporton se për të blerë talentin kroat, Almeria duhet të paguajë 6 milionë euro.
