Antonio Marku ka vendosur të largohet nga Shkodra, duke firmosur me ekipin e Drenicës për sezonin e ardhshëm.
Ish-kapiteni i Vllaznisë, u përball këtë verë me një situatë të pakëndshme duke qenë se pavarësisht faktit se qëndroi te Vllaznia edhe në Kategorinë e Parë, pak ditë më parë ishte trajneri ai që i kërkoi të ishte në provë te skuadra shkodrane.
I vënë para këtij kushti, Marku ka refuzuar të jetë në provë duke qenë se aftësitë e tij tashmë dihen.
Me një falënderim publik për Vllazninë, Marku i ka dhënë fund aventurës në vend duke kaluar në Kosovë.
