Qëndërmbrojtësi i skuadrës së Shkupit, Amir Bilali ka vendosur të rikthehet në kampionatin shqiptar.
Lojtari 25-vjeçar, ditën e sotme do të nënshkruajë një kontratë 2-vjeçare me opsion rinovimi me Partizanin, siç raporton “Gazeta Lajm”.
Bilali ka luajtur më parë me skuadrën e Teutës dhe ka një përvojë ndërkombëtare, pasi ka luajtur me të rinjtë e Lacios, ndërkaq është aktivizuar edhe në Slloveni.
Mbrojtësi pritet të jetë ndër përforcimet e fundit të Partizanit në këtë fund merkato, që do të ndihmojë mbrojtjen për vazhdimin e sezonit.
