Mançester Junajtid prej kohësh është në kërkim të një mesfushori, dhe ka hedhur sytë nga lojtari i Totenhemit.
Bëhet fjalë për Kristian Eriksen, i cili prej kohësh ndiqet nga “Djajtë e Kuq”, dhe tani mund të tentojnë ta transferojnë në “Old Trafford”.
Merkato në Angli mbyllet pas pesë ditësh, dhe skuadrat duhet të nxitojnë të bëjnë përforcimet e fundit. Mesfushori i Totenhemit nuk ka nënshkruar akoma një kontratë të re me ekipin, të cilit i përfundon vitin e ardhshëm.
Në këtë situatë drejtuesit anglez do të pranonin një ofertë në drejtim të 27-vjeçarit, në mënyrë që të mos e humbin falas një sezon më pas.
Kujtojmë se për lojtarin interesohej edhe Real Madridi, por madrilenët tashmë kanë hedhur sytë nga objektiva të tjerë siç është Pol Pogba, dhe Van De Bek.
