Ivan Perisic u largua nga Interi këtë merkato, teksa kaloi te Bajern Mynihu si huazim me të drejtën e blerjes një sezon më vonë.
Ndërsa Keita Balde, i cili luajti i huazuar nga Monaco te zikaltrit në sezonin e fundit, nuk u ble nga këta të fundit, të cilët kishin të drejtën e blerjes së senegalezit.
Gjithsesi edhe pse nuk janë më pjesë e Interit, lojtarët nuk mund të rrinë larg ngjyrave zikaltër.
Sipas asaj që shkruan “La Gazzetta dello Sport”, të dy lojtarët ishin në stadiumin “San Siro” ditën e djeshme për të përkrahur skuadrën ku ata dhanë kontributin e tyre në shumë ndeshje, teksa festuan fitoren e thellë 4-0 ndaj Lecces.
Të dy futbollistët e kanë shprehur edhe më parë dashurinë e tyre për ekipin dhe kjo që ata bënë ditën e djeshme në ndeshjen e parë në këtë sezon për Interin, e tregon qartë se ata e duan atë fanellë akoma edhe pse nuk janë pjesë e saj.