Pak ditë më parë, Arjen Roben njoftoi se do të tërhiqej nga futbolli i luajtur, megjithëse u largua nga Bayern Munchen për të provuar një aventurë të re.
Ky vendim i holandezit erdhi krejt papritur, kur në merkato emri i tij po lakohej në skuadra të ndryshme se bashku me Frenck Ribery.
Kur kanë kaluar disa javë nga tërheqja e tij, Roben duket se është penduar dhe mund të mendojë sërish rikthimin në futboll.
Në një intervistë të dhënë për “Mundo Deportivo”, ai u shpreh se kurrë nuk duhet thënë kurrë, duke shtuar se një ditë mund ta marrë sërish malli për futbollin.
“Kurrë mos thuaj kurrë. Kush e di, ndoshta pas pak kohësh më merr malli për të luajtur, por sa më vonë të jetë, aq më e vështirë bëhet. Nuk e di, nuk është se kam shumë shanse”, u shpreh Roben duke lënë të hapur mundësinë se ndoshta mund të rikthehet në fushë.
