Fabio Paim ka pasur një karrierë të shkurtër tek skuadra e Chelseat.
Dalë nga akademia e Sporting Lisbonës, sulmuesi në një moment e pa veten duke luajtur me Chelsean, në kohën kur në pankinën e skuadrës londineze ishte Luis Felipe Skolari.
Mirëpo ish-futbollisti i cili shpresonte të kishte një të ardhme të ndritshme në futboll, por që nuk e arriti kurrë, është arrestuar në qytetin e tij të lindjes, Estoril, me akuzën e trafikimit të drogës.
Paim, ka qenë në përgjim nga policia dhe ditën e enjte skuadra e hetimit kriminal ka arritur ta kap ish- futbollistin me një sasi droge.
Autoritetet e vendit portugez dyshojnë se Paim është pjesë e një organizate të madhe droge dhe lojtari rrezikon një dënim të madh.