Kohët e fundit flitet se Juventusi dhe Junajtid, janë pranë marrëveshjes për shkëmbimin e Dibalës dhe Lukakut.
Për këtë lëvizje ka folur edhe një ish-lojtar i Juventusit, si Nikola Amoruso, i cili luajti për 6 sezone me bardhezinjtë, ku shprehet: “Lukaku është një lojtar që ka forcë të madhe, veçanërisht për Europën. Është lloji i lojtarit që mund të bëjë ndryshimin menjëherë, dhe mund të jetë vendimtar në një afat të shkurtër. Dhe mbi të gjitha ai do të plotësojë, atë që mungon për në ndeshjet e Ligës së Kampionëve. Dibala ka shumë teknikë, por edhe Lukaku nuk ka mungesë të teknikës. Në të vërtetë ai kombinon teknikën e mirë, me fizikun e tij mbresëlënës. Mendoj se kjo është një zgjedhje shumë e arsyeshme nga drejtuesit.”, u shpreh 44-vjeçari.
Duket se marrëveshja për Dibalën dhe Lukakun është shumë afër, dhe pritet të mbyllet në ditët e ardhshme.
