Martin Caseres nga fundi i sezonit ishte një lojtar i lirë dhe ishte në kërkim të një skuadre të re për të vazhduar karrierën e tij.
Mesa duket mbrojtësi uruguaian e ka gjetur ekipin ku do të luajë për sezonin e ri, teksa ditën e sotme është bashkuar me Fiorentinën.
Mëngjesin e sotëm 32-vjeçari ka mbërritur në Firence për të zhvilluar vizitat mjekësore dhe më pas do të nënshkruajë kontratën me ekipin e ri.
Caseres ka rënë dakord me klubin vjollcë për një kontratë 1-vjeçare me opsion rinovimi edhe për një sezon të dytë në rast se bind me paraqitjet e tij.
Mbrojtësi ishte një lojtar i lirë, pasi në fund të sezonit përfundoi kontratën me Juventusin ku luante prej janarit dhe zhvilloi 9 paraqitje.
Uruguaiani do të jetë një përforcim shumë i mirë për ekipin e Montelës, pasi e njeh shumë mirë Serie A për shkak se më parë ka luajtur për Lazion, Hellas Veronën dhe Juventusin.