Parma është duke kërkuar një mbrojtësi për krahun e majtë, në të cilin luajti Federiko Dimarko, sezonin e fundit.
21-vjeçari tashmë është kthyer te Interi, të cilët zotërojnë kartonin e tij, dhe drejtuesit e Parmës janë të detyruar të gjejnë një lojtar tjetër në atë repart. Sipas asaj që shkruan “Sky Sport”, italianët kanë hedhur sytë nga ish-lojtari i Real Madridit, Fabio Koentrao. 31-vjeçari ka përfunduar kontratën e tij me Rio Aveshin ku u aktivizua sezonin e fundit, dhe tashmë është një lojtari i lirë.
Kanë nisur kontaktet e para mes mbrojtësit dhe drejtuesve italianë, ku një rol të veçantë mund të ketë edhe Bruno Alvesh, i cili luan te Parma. 37-vjeçari është mik i ngushtë me Koentraon, dhe mund të luajë një rol të rëndësishëm për transferimin e bashkëkombësit të tij, në “Tardini”.