Thuhet se Monako është pranë transferimit të portierit të Juventusit, Matia Perin, i cili do të largohet nga bardhezinjtë këtë merkato.
Sipas asaj që shkruan “Tuttosport”, Juventusi kërkon 15 milionë euro për 26-vjeçarin, ndërsa francezët ofrojnë 13 milionë euro, gjithsesi marrëveshja duket shumë afër mbylljes.
Mirëpo nuk është vetëm Perin, objektivi i francezëve, pasi thuhet se kanë shfaqur interes edhe për një mesfushor.
Bëhet fjalë për Matuidi, për të cili është folur kohët e fundit se interesohet edhe PSG-ja, por drejtuesit e Monakos, kanë nisur kontaktet e para, me klubin dhe lojtarin.
Për 32-vjeçarin “Zonja e Vjetër”, dëshiron rreth 20 milionë euro, dhe drejtuesit francez, janë të gatshëm të ofrojnë shumën e kërkuar, për të marrë shërbimet e lojtarit.
