Interi është duke u bërë gati për sezonin e ri, i cili do të jetë mjaft i ngarkuar për skuadrën. Për këtë, drejtuesit nuk janë duke punuar vetëm për sulmin në merkato, por edhe për mesfushën.
Maja e sulmit deri më tani ka mungesa, por edhe mesfusha kërkon një lojtar me eksperiencë.
Siç raportojnë mediat italiane, zikaltrit janë duke vëzhguar Rakitiç dhe Vidal. Normalisht të dy nuk mund t’i transferoj klubi, pasi Barcelona kërkon jo pak, por njëri prej tyre është i arritshëm.
Me ardhjen e De Jong të dy lojtarët do të ulen në stol dhe të dy do të vuajnë minutat e munguara.
Kështu që deri në fund të merkatos nuk përjashtohet mundësia që Interi të bëjë një lëvizje surprizë. Aq më tepër kur në stol është Konte, që mund të bindë të paktën Vidalin për t’u bashkuar me të në Milano.
