Mançester Junajtid dhe Milani luajnë në stadiumin e Kardifit, një miqësore mes tyre, në kuadër të turneut miqësor “International Champions Cup”.
Tekniku Xhampaolo nuk ka hedhur asnjë lojtar të ardhur nga merkato në formacionin titullar, por luan me formacionin 4-3-3, me Donarumën në portë, ndërsa me dyshen e qendrës së mbrojtjes Romanjoli e Muzakio. Nga krahët janë Kalabria e Rodrigez, ndërsa mesfusha përbëhet nga Suso, Bilia e Çalhanoglu. Borini, Kastijeho dhe Piontek gjenden në vijën e parë të sulmit.
Ndërkohë, nga ana tjetër, Junajtid i Solskjaer, pas dy fitoreve në këtë turne miqësor, kërkon të bindë sërish në këtë miqësore, me teknikun që po vazhdon të konsolidojë formacionin bazë.
LIVE | Mançester Junajtid-Milan 2-2
GOL: Rashford 14′, Lingard 72′ / Suso 26′, Kastijeho 60′
FORMACIONET:
Mançester Junajtid: De Gea, Van-Bisaka, Lindelof, Roho, Shou, MekTominei, Matiç, Pereira, Mata, Rashford, Marsial. Trajner: Solskjaer.
Milan: Donaruma, Kalabria, Romanjoli, Muzakio, Rodrigez, Suso, Bilia, Çalhanoglu, Borini, Kastijeho, Piontek. Trajner: Xhampaolo.
