Mançester Junajtid dhe Milan ndeshen sot në turneun ICC ku të dy palët kërkojnë një fitore më shumë për moralin dhe për të lënë pas telashet e ditëve të fundit sa i përket sidomos zërave të merkatos që kanë turbulluar ambientin në të dy skuadrat.
Te “djajtë e kuq” mungojnë ashtu siç dihej Lukaku dhe Pogba, të dy në epiqendër të merkatos dhe në pritje të transferimeve në skuadra të tjera, ndaj Solskjaer i ka besuar nga minuta e parë treshes Mata-Rashford-Marsial në repartin e avancuar.
Ndërkohë, te kuqezinjtë është Piotek emri i cili do të nisë takimin në majën e sulmit me Kastijeho pranë tij dhe Suso në rolin e organizatorit. Pas transferimit të dështuar, Andre SIlva do të ulet në stol në fillimin e kësaj sfide.
