Mandzukic dhe Higuain pritet që të largohen nga Juventus. Dhe për këtë arsye skuadra torineze është duke kërkuar për një sulmues.
Pas dështimit të pistës Lukaku i cili përflitej për një shkëmbim me Dybalan, drejtuesit e “ bardhezinjve” janë rikthyer përsëri tek pista Icardi.
Sipas asaj që raporton “La Gazzetta dello Sport” drejtuesit e juves kanë marrë dhe miratimin Ronaldos për këtë transferim.
Portugezi e shikon Icardin si një partner ideal në sulm.
Futbollisti i Interit është jashtë projektit të klubit dhe po pret vetëm lëvizjen e Juventusit për t’u larguar. Megjithatë, operacioni nuk do të jetë i thjeshtë për t’u realizuar teksa “zikaltrit” nuk do të bëjnë asnjë lëshim për rivalët e tyre historik.