Në datën 2 shtator mbyllet zyrtarisht merkatoja në Itali dhe skuadrat duhet të nxitojnë për të bërë lëvizjet e fundit, në dalje ose në hyrje.
Milani është një nga ato klube, që dëshiron të largojë një numër të konsiderueshëm lojtarësh. “Gazzetta Dello Sport”, bën një përmbledhje dhe skanon destinacionet e mundshme të disa lojtarëve në dalje.
Frenk Kesi, është në shitje, por deri tani nuk ka shenja largimi. Lojtari ende nuk është parë nga Xhampaolo dhe ofertat për të mungojnë, pas mbylljes së merkatos në Angli.
Spal, Atalanta dhe Parma, janë tre skuadra që interesohen për shërbimet e Diego Laksalt, i cili është një prej futbollistëve të sigurt, që do të largohet.
Rikardo Rodrigez mund të jetë lojtari tjetër që hap krahun dhe pritet të rikthehet në Gjermani, por këtë herë te Shalke.
Në Gjermani dhe te Lajpcigu mund të sakrifikohet Hakan Çalhanoglu, i cili pritet të largohet nga Milanelo.
Një pistë e re është hapur edhe Andre Silvën nga Spanja, pasi sulmuesi kërkohet nga Espanjoli.
Koha po “ngushtohet” dhe lëvizjet te Milani duhet të jenë të shpejta, nëse do të sheshë disa nga futbollistët e sipërpërmendur.