Skënderbeu pa frena në merkato. Skuadra korçare nuk ka ndërmend të dorëzohet pavarësisht vendimit të KAS-it që la në fuqi dënimin me 10 vite përjashtim nga UEFA.
Pasi bindën trajnerin Daja, për t’i besuar “timonin” e skuadrës bardhekuq, drejtuesit e klubit korçar janë hedhur fuqishëm në merkato, për të ndërtuar një ekip dinjitoz, për sezonin e ardhshëm të Kategorisë Superiore.
Pas akordit me mbrojtësin Marvin Turtulli si dhe 2 futbollistët e huaj Nikola Jelisiç dhe Aleksandër Stankov, mësohet se korçarët kanë arritur të bindin edhe ish-portierin e Flamurtarit, Enea Koliçi.
Gardiani pogradecar, pritet të zyrtarizohet ditën e premte, ndërkohë që drejtuesit e Skënderbeut, me në krye presidentin Ardian Takaj, vijon punën për përforcimin e organikës së skuadrës për sezonin e ri.