U luajtën sot 3 përballjet e kthimit të vlefshme për raundin “play-off” të Ligës së Kampionëve.
Tre skuadrat ballkanase, Olimpiakos, Dinamo Zagreb dhe Crvena Zvezda, kanë arritur të sigurojnë një biletë për në fazën e grupeve të Ligës së Kampionëve.
Olimpiakosi dhe Dinamo e Zagreb kishin hedhur një hap të sigurt pas triumfeve në ndeshjet e para. Grekët triumfuan 4-0 në shtëpi, teksa sot arritën të fitonin sërish në transfertë me rezultatin 1-2.
Ndërkohë, dy sfidat e tjera, ajo mes Crvena Zvezdës dhe Young Boys si dhe Rosenborg-Dinamo e Zagrebit u mbyllën në barazim 1-1.
Kujtojmë që kroatët në sfidën e parë kishin triumfuar me rezultatin 2-0, ndërkohë që serbët barazuan 2-2.
