Andi Lila pritej që sot të firmoste me Kukësin dhe të bëhej pjesë e verilindorëve për sezonin e ri, por duket se çdo gjë ka ndryshuar dhe ka marrë një rrjedhë tjetër.
“Panorama Sport”, mëson se Lila e ka njoftuar klubin e Kukësit, mbrëmjen e djeshme se nuk do të firmosë me ta.
Kursi ka ndryshuar dhe lojtari i Kombëtares duket se është shumë pranë Tiranës.
Emri i lojtarit është përmendur jo pak herë këtë verë në ambientet e klubit bardheblu dhe duket se marrëveshja tashmë do të mbyllet mes tyre.
