Franck Lampard do të ishte shumë i lumtur nëse Didier Deschamps nuk do të bënte pjesë të përzgjedhjes së tij këtë javë një prej futbollistëve francezë të Chelseat.
Trajneri i përfaqësueses së Francës do të publikojë emrat e futbollistëve të grumbulluar për sfidat kualifikuese të Euro 2020 në shtator, ku e para e sheh përballë Shqipërisë.
Por për Lampard, më e mira do të ishte që N’Golo Kante, një nga yjet e kësaj përfaqësueseje dhe element shumë i rëndësishëm në fitoren e Kupës së Botës, të mos fitohej për duelet në fjalë.
Futbollisti ka pësuar një dëmtim në gju në finalen e Ligës së Europës ndaj Arsenalit dhe kaloi pjesën më të madhe të kësaj vere duke u riaftësuar.
Ai u dëmtua përsëri në ndeshjen e hapjes së kampionatit ndaj Manchester United.
Ai ka kaluar katër vite duke luajtur vazhdimisht. Dëmtimi nga finalja e Ligës së Europës ka ndikuar në fazën përgatitore. Pastaj u dëmtua përsëri ndaj Manchester United. Ne po mundohemi që të kalojë këto probleme, por të dielën nuk luajti se kishte shumë dhimbje. Periudha e kombëtareve do të jetë një mundësi e shkëlqyer për të që të rregullojë këtë situatë me dëmtimin. Do të ishte në të mirën e të gjithëve nëse Kante qëndron jashtë, pasi ai ka luajtur ndeshje pas ndeshje”, tha Lampard.
