“Telenovela” Neymar vazhdon të ndërlikohet akoma edhe më shumë.
Sipas RMC Sport, klubi i PSG-së i ka thënë përsëri “JO” ofertës së radhës të Barcelonës për Neymarin.
Kur na ndajnë edhe 4 ditë nga fundi i merkatos, Paris Saint-Germaini e vlerëson të pamjaftueshme këtë ofertë dhe larg vlerës monetare që kërkon për kartonin e brazilianit.
Transmetuesi francez citon një burim brenda klubit parisien, sipas të cilit, PSG-ja e ka arsyetuar refuzimin e ofertës duke thënë se Barça duhet të paguajë 222 milionë euro për të blerë kartonin e 27-vjeçarit.
Burimi i njëjtë shpjegon se PSG-ja nuk ka kohë pasi më 2 shtator mbyllet merkato, ndërsa Barcelona duhet ta harrojë shkëmbimin e lojtarëve dhe ta paguajë shumën e plotë që PSG-ja e kërkon.
Një delegacion nga Barça u raportua se ka qenë në kryeqytetin francez për të diskutuar mundësinë e transferimit të Neymar në Katalunja.
