Futbolli italian është rikthyer me ndeshjet zyrtare, ku mbrëmjen e djeshme janë luajtur disa nga ndeshjet e Kupës së Italisë, aty ku Pescara ka arritur të mundë me rezultatin 3-2 skuadrën e Mantovës.
Ekipi tek i cili aktivizohet edhe Ledian Memushaj, hasi jo pak në vështirësi, duke u kualifikuar vetëm në minutën e fundit.
Në fund të pjesës së parë, problemet u shtuan edhe më shumë për Pescarën, duke qenë se Memushaj pësoi një dëmtim duke u detyruar të largohet dhe vendin e tij e zuri Ventola, i cili rezultoi vendimtar duke shënuar golin e fitores në minutën e 91-të të takimit.
Sakaq, ende nuk dihet se sa i rëndë është dëmtimi i mesfushorit të Kombëtares dhe pritet që ditën e sotme të kryejë edhe ekzaminimet mjekësore për të kuptuar shkallën e dëmtimit.
Kjo ishte ndeshja e parë zyrtare për këtë sezon, pas disa miqësoreve të luajtura.
