Ekipi i Manchester United fitoi 4-0 ndaj Brighton në javën e katërt të Premier League, duke korrur fitoren e parë sezonale në fushën e tij. “E nisëm ndeshjen mjaft mirë, me gol që në minutën e dytë. Edhe rivalët patën shanset e tyre, por ne ishim cinikë, duke i kthyer në gol shanset tona”, tha trajneri Pep Guardiola.
Ai është i kënaqur me fitoren. “Ndonjëherë është meritë e trajnerit kur fitohet. Ndonjëherë fitorja vjen për meritë të cilësisë që kanë lojtarët dhe ata e treguan ndaj Brighton se janë kampionë. De Bruyne? Ai është lojtari që i jepp vizionin e duhur lojës tonë”, tha trajneri spanjoll.
Gjithsesi, ndeshja e sotme e ka një notë negative, dëmtimi i Laporte. “Ai shkoi menjëherë në spital. Nesër do të mësojmë më shumë për dëmtimin e tij. Kam frikë se do të mungojë për një kohë të gjatë, pasi dëmtimi nuk duket aspak i lehtë”, tha Guardiola.
