Bekim Balaj do të ketë mundësinë pasditen e sotme të zbresë për herë të parë në fushë me klubin e ri, Shturm Grac.
Sulmuesi i Kombëtares u transferua me parametër zero nga klubi rus i Akmat Groznit, ku kaloi 3 vitet e fundit të karrierës.
Sakaq, shkodrani ishte i gatshëm për të debutuar me austriakët prej javës së kaluar, megjithatë në mungesë të dokumentacionit të plotë, Balaj duhej të priste.
Por, në këtë fundjavë kushtet janë plotësuar dhe 28-vjeçari do të jetë gati për debutimin, teksa do ta nisë ndeshjen për javën e dytë të kampionatit ndaj Volfsbereger në transfertë si titullar.
Në këtë mënyrë pas eksperiencave të kaluara në Rusi, Kroaci, Çeki dhe kampionatin shqiptar, për Balajn do të nisë ditën e sotme një aventurë e re, me të cilën mund të kthehet në kulm dhe të shkëlqejë edhe me Kombëtaren kuqezi.