Një lajm i pa dëgjuar më parë, vjen nga Gjermania, teksa thuhet se sulmuesi i Hamburgut, në Bundesligën e Dytë, luan me identitet të rremë.
Sipas “Bild”, sulmuesi Bakeri Jata, luan nën identitet të rremë, dhe ka ndryshuar si emrin ashtu edhe datën e lindjes.
Nga provat që ka grumbulluar gazeta gjermane, del se Bakei Jata në të vërtetë quhet Bakari Dafeh, dhe nuk ka lindur në 6 qershor 1998, por më 6 nëntor 1995.
Sulmuesi nga Gambia, hyri në Gjermani në vitin 2015, dhe shteti gjerman jep tolerancë për të gjithë refugjatët nën moshën 18-vjeç, në këtë mënyrë lojtari kishte ndërruar identitetin e tij, duke u hequr sikur ishte 17-vjeç asokohe.
Prej vitit 2016, sulmuesi i djathtë aktivizohet me Hamburgun, dhe tani i duhet të përballet edhe me akuzat e fundit, që rëndojnë mbi të.
