Milot Rashica zhvilloi një sezon të shkëlqyer me skuadrën e Werder Bremen.
Dhe për ta shpërblyer futbollistin, klubi ka vendosur që të t’i japi çmimin, “Lojtari më i mirë i Werderit për sezonin 2018-2019”.
Lajmin e bëri të ditur faqja zyrtare e Werder Bremenit në Twitter, duke shkruar: “Njeriu raketë duke e pranuar çmimin e Lojtarit Më Të Mirë të Sezonit 2018/2019. Urime Milot Rashica”
Rashica bëri gjithsej 26 paraqitje sezonin e kaluar në Bundesligë, prej të cilave 19 herë ishte në formacionin e parë, ndërsa shtatë herë të tjera u inkuadrua në lojë nga stoli. Ai i luajti mesatarisht 59 minuta për ndeshje, ndërsa SofaScore e vlerësoi me notë mesatare 7.12 për paraqitjet e këtij sezoni.
Ai i shënoi nëntë gola, apo mesatarisht një gol për çdo 173 minuta lojë ose 0.4 gola për ndeshje. Rashica i bëri mesatarisht 1.8 goditje brenda kuadratit të portës për ndeshje, ndërsa gjatë gjithë sezonit humbi vetëm katër raste të mira për gol.
The Rocket Man receiving his award for Player of the Season 2018/19 🚀
Congratulations, @milotrashica!#werder pic.twitter.com/Kk7TUg0qSw
— SV Werder Bremen EN (@werderbremen_en) August 3, 2019
