Eden Hazard po punon për të rikuperuar formën e tij më të mirë dhe për të gjetur golin e tij të parë me fanellën e Real Madrid. A do ta gjejë të shtunën në mbrëmje në derbin kundër Atletico Madrid?
Ai ka sigurisht një dëshirë të madhe për të qenë në fushë, duke parë se e ka ndjekur nga stoli fitoren e arritur nga madrilenët kundër Osasuna-s të mërkurën në mbrëmje.
“Objektivi im është shumë i qartë për të shtunën: të shënoj, të fitoj dhe t’i dhuroj një kënaqësi të gjithë tifozëve tanë”, ka thënë ish-ylli i Chelsea-t.
“Një futbollist e di shumë mirë sa e rëndësishme është një ndeshje derbi. Do të më pëlqente të luaja kundër mikut tim Diego Costa, ka qenë shoku im i skuadrës”.
