Ekipi përfaqësues i Kosovës sot në mbrëmje do të përballet me Anglinë në ndeshjen më të rëndësishme për fatet e kualifikimit në Euro 2020.
Pas fitores kundër Çekisë, “Dardanët” tashmë kanë provën më të vështirë të Grupit A pasi Anglia nuk e njeh humbjen në eliminatore që nga viti i largët 2009.
Situatë të ngjashme po kalon edhe Kosova që në 15 ndeshjet e fundit ka fituar 10 herë dhe ka barazuar 5 ndeshje.
Kosova do të jetë përsëri pa pesë lojtarët titullarë, Arbër Zeneli, Milot Rashica, Hekuran Kryeziu, Benjamin Kololli dhe Herolind Shala.
Anglia dhe Kosova nuk janë përballur kurrë më parë në ndeshje ndërkombëtare me njëra-tjetrën. Ndeshja do të luhet në Southampton në orën 20:45.
